ЕКУМЕНСКА И МЕЃУРЕЛИГИСКА СРЕДБА СО МЛАДИТЕ

На оваа екуменска и меѓурелигиска средба на младите со папата Франциск ќе може да присуствуваат сите млади од Република Северна Македонија и од светот кои претходно ќе се пријават и ќе добијат влезница. Влезниците се бесплатни за сите.

Препорака за учесниците

На настанот ќе може да присуствуваат само оние млади кои се пријавиле за учество на настанот, со приложување на влезници кои ги добиле при самата пријава. Сите пријавени млади за оваа средба, во дворот на катедралата „Пресвето Срце Исусово“ треба да бидат најдоцна до 14:30 часот.

На оваа екуменска и меѓурелигиска средба на младите со папата Франциск ќе може да присуствуваат сите млади од Република Северна Македонија и од светот кои претходно ќе се пријават и ќе добијат влезница. Влезниците се бесплатни за сите.

За граѓаните на Република Северна Македонија, регистрацијата се отвора на 22 април, во следниве Католички Парохии:

  • Скопје: Катедрала “Пресвето Срце Исусово“
  • Струмица: Катедрала “Успение на Пресвета Богородица“ и “Свети Иван Крстител“
  • Струмички регион: Радово, Секирник, Нова Маала, Петралинци, Сарај, Чанаклија
  • Гевгелија
  • Богданци
  • Куманово
  • Штип
  • Битола
  • Охрид

НАПОМЕНИ И УПАТСТВА ПО ПОВОД ДОАЃАЊЕТО НА ПАПАТА ФРАНЦИСК ВО СКОПЈЕ НА 7 МАЈ 2019

1. Напоменуваме  дека би било добро автобусите и личните автомобили да бидат обележани со плакат или некаков знак за распознавање (препорачуваме тоа да биде официјалното лого за посетата). На влезовите во градот ќе има полиција која ќе ве насочува кон паркингот каде ќе ве дочекаат волонтери кои ако имате потреба ќе насочат кон плоштадот каде ќе се одржува Светата миса со папата Франциск. Освен на паркингот, личните автомобили ќе може да се паркираат и на местата кон кои ќе ве насочат полицајците.

2. Учесниците треба да пристигнат во Скопје најдоцна до 6 часот. Потребно е да се пристигне во ова време заради безбедносните прегледи кои ќе се вршат на патиштата, а од 7 часот улиците во централното градско подрачје ќе бидат затворени за сообраќај.

3. Влезот во литургискиот простор ќе биде отворен од 6 часот, а до 9 часот сите пријавени учесници треба да се наоѓаат на плоштадот.

4. Во литургискиот простор на плоштадот „Македонија“ ќе може да влезат само пријавените учесници со приложени влезници кои предходно ги добиле при регистрацијата или од водачот на групата.

5. Пред влезот во литургискиот простор ќе биде извршен полициски преглед. По влегувањето, секој присутен треба да ги почитува следните правила на однесување.

Забрането е:

  • носење на експлозивни направи, пиротехнички средства (запалки, петарди, факли, „бенгалки“ и сл.), запаливи смеси и течности, спрееви и шишиња со компримиран воздух, огнено и ладно оружје (ножеви, сите видови метални предмети, шипки, палки, ланци, ножици, жилети, комплети за маникирање, метални прибори за јадење и сл.);
  • предмети погодни за повредување и самоповредување;в) храна и пијалоци во метална и стаклена амбалажа;
  • сите видови на алкохолни пијалоци и чадори;
  • транспаренти и големи знамиња.

Сите учесници со себе треба да имаат:

  • влезница и личен документ (свештени лица и верници):
  • лична карта (за учесниците од Македонија) или пасош (за учесниците надвор од Македонија);
  • здравствена книшка и историја на болеста за хронично болните, како и најпотребните лекови кои ги користат;
  • вода, освежувачки пијалоци во проѕирна пластична амбалажа, а доколку носат храна таа треба да биде во картонска или хартиена амбалажа;
  • препорачуваме мантил за дожд заради можна заштита од дожд.

Препораки:

  • присутните со себе да не носат поголема количина на пари или предмети со поголема вредност заради можните ограбувања или губења на истите;
  • следење на временската прогноза и носење на облека во согласност со времето и со правилата за облекување на литургиска прослава;
  • почитување на упатствата кои ќе ги даваат водителите на програмата, волонтерите и полицијата;
  • доколку некој има потреба од здравствена помош, да се обрати до најблискиот волонтер, кој ќе биде означен со препознатлива ознака.

Ве замолуваме да внимавате на хигиената на просторот каде ќе се движите!